.png){kind=logo}
१५ कृति पद्मश्री साहित्य पुरस्कारका लागि छनोट भएका छन् ।
१५ कृति पद्मश्री साहित्य पुरस्कारका लागि छनोट भएका छन् ।
खेमलाल हरिकल लामिछाने समाज कल्याण प्रतिष्ठानले २०८० को पद्मश्री साहित्य पुरस्कारका लागि छनोट भएका १५ कृतिको नाम सार्वजनिक गरेको छ ।
प्रतिष्ठानका अध्यक्ष जीवा लामिछानेका अनुसार २०८० मा प्रकाशित १८६ वटा साहित्यिक कृति प्रतिष्ठानमा प्राप्त भएका थिए । त्यसमध्ये पुरस्कार छनोट समितिले १५ पुस्तकको विस्तारित सूची प्रतिष्ठानलाई उपलब्ध गराएको छ ।
यो सूचीबाट समितिले अर्को महिना पाँचवटा पुस्तकको उत्कृष्ट संक्षिप्त सूची चयन गर्ने लामिछानेले जानकारी दिएका छन् ।
पुरस्कारका लागि विष्णु सापकोटाको उपन्यास अडिएका पाइला, कृष्ण गौतमको उपन्यास अद्वैत, सानु शर्माको कथा संग्रह अर्को देशमा, रोशन शेरचनको निबन्ध संग्रह गल्ली संसार र भानु बोखिमको उपन्यास गोधूलि गीत छनोट भएका छन् ।
त्यस्तै विश्व कुइँकेलको उपन्यास गोपीचा, कुमार नगरकोटीको संस्मरण जोगीयाना, चिरन्जीवी वाग्लेको उपन्यास बहादुर शाह, सुमिनाको कविता संग्रह बागी स्त्रीको आत्मकथा, राजेन्द्रमान डंगोलको नियात्रा बादलडाँडा पनि छनोट भएको छ ।
त्यस्तै अखण्ड भण्डारीको उपन्यास बोरा, गोविन्दप्रसाद कुसुमको उपन्यास भृकुटी, गोपी सापकोटाको संस्मरण लन्डन अनप्लग्ड, अरुण गुप्तोको निबन्ध संग्रह संसकृति चिन्तन र भुवनहरि सिग्देलको जीवानाख्यान साखेजुङको उकालो पनि उत्कृष्ट १५ भित्र परेका छन् ।
Like
Dislike
Love
Sad
Funny
Wow
Pray
.jpg)
.jpg)
.jpg)
.jpg)
Comments 0