पञ्चाङ्गनिर्णायक समितिका अधिकांश सदस्यहरूलाई यो दिनरातको प्रक्रिया के हो पञ्चाङ्ग निरयणपद्धतिले साधन किन गरिन्छ भन्ने कुराको केही पनि पत्तो छैन । त्यसैले पञ्चाङ्ग बनाउने समयमा उहाँहरू बोल्न नसक्नु पनि यही कारण हो । उहाँहरूले कमसेकम हाम्रा गणितीय प्रक्रियाका विषयहरूलाई नसपारे पनि विगार्न चाहिँ विगार्नुभएको छैन । यसप्रति पनि उहाँहरूलाई हार्दिक बधाइ छ । तर पनि तपाइँहरू पनि अब जागेर गुह्य कुरो बुझेर विग्रेकालाई बनाउनतिर लाग्न परो ।
आज दिनरात बराबर हुने दिन । तर .
आज २३ सेप्टेम्बर अर्थात् दिनरात बराबर हुने दिन । पृथ्वीबाट हेर्दा आजका दिनबाट परमउत्तरबिन्दुबाट दिनप्रतिदिन दक्षिणतिर आइरहेका सूर्य उत्तरीगोल र दक्षिणीगोलको मध्यभागमा स्थित नाडीवृत्तमा घुमेको देखिने दिन । यस समयमा निरक्षक्षितिजवृत्त र स्वक्षितिजवृत्तको अन्तर शून्य हुने हुनाले यस दिन दिन रात बराबर भएका हुन् । हिँजसम्म उत्तरीगोलमा दक्षिणायन भएर रहेका सूर्य यस वृत्तको घुमाइपछि मोटामोटी भोलिदेखि दक्षिणीगोलमा प्रवेश गर्नेछन् । तर बिडम्बना पात्रो हेर्दा लाज लाउँछ ।
यो दिनरात बराबर हुने दिन हाम्रा २०६३ सालसम्मका पात्राहरूमा ठ्याक्क मिल्न जान्थ्यो । तर २०६४ सालदेखि यस किसिमको प्रत्यक्ष विषय पनि हाम्रा पात्राहरूमा योजनाबद्ध तरिकाले मिलाइएको छैन । मैले कतिपटक यो विषयलाई मेरा दाजु सह-प्रा पुरुषोत्तम भट्टराई मार्फत् पुर्याएँ । तर उहाँले गम्भीर तरिकाले लिए पनि समितिले हल्का तरिकाले लिएछ । त्यसपछि उहाँ पनि समितिबाट निस्कनुभयो । यो यस्तै भयो ।
***************
यो पुरै योजनाबद्ध काम हो तर हामी सुतिरहेका छौँ ।
***************
त्यसपछि हाम्रा धर्म संस्कार संस्कृति विरुद्ध काम गरेर देशलाई धर्मछाडाहरूको रणभूमि बनाएका र गाइमाताको हत्या समेत गरेर हनयु्द्ध मनाउनेवालाहरूको सरकार बन्यो । त्यस सरकारले योजनाबद्ध तरिकाले हाम्रा शास्त्रका बारेमा कपुरी क पनि नजानेकाहरूलाई राखेर समिति बनायो । त्यस समितिले हाम्रा पात्राहरूका यस्तै अशुद्ध कुराहरू उठाएर लौ पात्राहरू बदल्न पर्यो । एकमहिना अगाडि सार्न पर्यो भन्ने खालको अत्यन्तै हास्यास्पद र मूर्ख कुरो ल्यायो । त्यसपछि के भयो ?
त्यसपछि झन्न भगवान् कृपाले त्यो कुरो लागू हुन नपाउँदै सरकार ढल्यो । विपक्षी नेताहरूले पनि केही बुझे या बुझेनन् तर पनि आफू सरकारमा जानका लागि भए पनि प्रचण्ड सरकार ढाले । अनि अर्को अवतार भारतमा भयो । यो हिन्दूहरूका लागि सौभाग्यको विषय हुन पुग्यो । सोनियाको नेतृत्वमा नेपाल भारत भुटान वर्मा आदि हिन्दूहरूका स्थानलाई धर्मनिरपेक्षताका माध्यमले ध्वस्त बनाउँदै आएको र यही योजना मार्फत् नेपालमा पनि हनयुद्धका नाममा गाइ काट्न सफलका मालिकहरू भारतको सत्ताबाट बाहिरिनाले पनि हाम्रा चलेका चलनलाई विनामेसो गाली गर्ने र विगार्नेहरूको ठूलो झुण्ड पराजित हुन पुग्यो । भाजपामा गणितज्योतिष जस्तो विषयलाई मसिनो तरिकाले बुझेका संवित पात्राहरूको बोलवाला भइ उनीहरू नै नीति नियम बनाउने सरकारी कार्यक्रमका निर्देशक हुनु पनि हाम्रा लागि गौरव हुन पुग्यो । अनि भारतमा धेरै वर्षदेखि चलाएर नेपालमा पनि सारिएको यस धर्मविरोधि विषय पराजित हुन पुग्यो ।
पञ्चाङ्गनिर्णायक समितिका अधिकांश सदस्यहरूलाई यो दिनरातको प्रक्रिया के हो पञ्चाङ्ग निरयणपद्धतिले साधन किन गरिन्छ भन्ने कुराको केही पनि पत्तो छैन । त्यसैले पञ्चाङ्ग बनाउने समयमा उहाँहरू बोल्न नसक्नु पनि यही कारण हो । उहाँहरूले कमसेकम हाम्रा गणितीय प्रक्रियाका विषयहरूलाई नसपारे पनि विगार्न चाहिँ विगार्नुभएको छैन । यसप्रति पनि उहाँहरूलाई हार्दिक बधाइ छ । तर पनि तपाइँहरू पनि अब जागेर गुह्य कुरो बुझेर विग्रेकालाई बनाउनतिर लाग्न परो ।
अन्त्यमा हामीले योजनाबद्ध तरिकाले विगारिएका वा भेडे तालले पहिलेदेखि नै विग्रेका विषयलाई हाम्रै सायन सहितको निरयणपद्धतिले नै सपारौँ । अनि मात्र अरुले भदौमा सोह्र श्राद्ध नगरिकनै गरिएका विषयहरूलाई गाली गरौँला । जय होस् सबैको । अनेकथरी उल्टा कुरा ल्याएर हामीलाई हाम्रो ज्यौतिषसिद्धान्तको वारेमा राम्ररी पढ्न अध्ययन गर्नका लागि जगाउने सबैलाई हार्दिक धन्यवाद ।
Like
Dislike
Love
Sad
Funny
Wow
Pray
.jpg)
.jpg)
.jpg)
.jpg)
.jpg)
.png){kind=logo}
.jpg)
Comments 0