November 30, 2025

शत प्रतिशत विद्यार्थीको अतिविशिष्ट श्रेणी (A+)

June 28, 2025
1Min Read
564 Views

देवघाटधाममा रहेको महेश संस्कृत गुरुकुलका सम्पूर्ण विद्यार्थीहरू 2081 को SEE परीक्षामा अतिविशिष्ट श्रेणीमा उत्तीर्ण भएका छन् ।

तनहुँको देवघाट-५ मा अवस्थित महेश संस्कृत गुरुकुलबाट २०८१ सालको SEE परीक्षामा सहभागी सम्पूर्ण विद्यार्थीहरू अतिविशिष्ट श्रेणी (A+) मा उत्तीर्ण भएका छन् । स्रोतका अनुसार १० जना सहभागी मध्ये ४ जनाको ३.९५, अरु ४ जनाको ३.९० तथा बाँकी २ जनामध्ये १ जनाको ३.८२ र १ जनाको ३.८१ जि.पी.ए. अङ्क प्राप्त गरेका छन् ।


वैदिक सनातन धर्म, संस्कृति, संस्कार र संस्कृतको संरक्षण तथा संवर्द्धन गर्ने उद्देश्यले स्थापना गरिएको यस गुरुकुलमा अध्ययन गर्ने छात्रहरू हरेक वर्ष उत्कृष्ट अंकका साथ उत्तीर्ण हुँदै आएका छन् । गतवर्ष पनि सर्वोत्कृष्ट अंक ल्याएको यस गुरुकुलले अहिले पनि शत प्रतिशतले A+ ल्याएर इतिहास दोहोर्याएको छ ।


अतिविशिष्ट श्रेणीमा उत्तीर्ण सम्पूर्ण छात्रहरूलाई शुभकामना दिँदै गुरुकुलका प्रधानाचार्यले \स्वाध्याय-प्रवचनाभ्यां न प्रमदितव्यम्\ (अध्ययन र अध्यापनमा कहिल्यै आलस्य नगर्नु) भन्ने उपनिषद्‌वाक्य नै गुरुकुलको साझा मन्त्र भएको बताउनुभयो । साथै उहाँले यस नतिजाका लागि अहोरात्र मिहिनेत गर्ने गुरुकुलका आचार्यहरू, अभिभावक तथा सम्पूर्ण विद्यार्थीहरूलाई समेत धन्यवाद ज्ञापन गर्नुभयो । नेपालकै सर्वोत्कृष्ट गुरुकुलका रूपमा स्थापित यस गुरुकुलले हरेक वर्ष आफूलाई अब्बल ठहर्याउँदै आएको छ । साथै अन्य गुरुकुलहरूका लागि अनुकरणीय बनेको छ ।

Images :

Leave a Comment
logo-img Basistha

All Rights Reserved © 2025 Basistha