.png){kind=logo}
देवघाटमा रहेको महेश संन्यास आश्रमले ब्रह्मलीन सन्तशिरोमणि श्री १००८ डा. स्वामी रामानन्द गिरिजी महाराजको सातौँ निर्वाण महोत्सव मनाएको छ। सातौँ गुरुनिर्वाण महोत्सव साउन ५,६ र ७ गते मनाइएको आश्रमले जनाएको छ।
देवघाटमा रहेको महेश संन्यास आश्रमले ब्रह्मलीन सन्तशिरोमणि श्री १००८ डा. स्वामी रामानन्द गिरिजी महाराजको सातौँ निर्वाण महोत्सव मनाएको छ। सातौँ गुरुनिर्वाण महोत्सव साउन ५,६ र ७ गते मनाइएको आश्रमले जनाएको छ।
सातौँ गुरुनिर्वाण महोत्सव सम्पन्न
देवघाटमा रहेको महेश संन्यास आश्रमले ब्रह्मलीन सन्तशिरोमणि श्री १००८ डा. स्वामी रामानन्द गिरिजी महाराजको सातौँ निर्वाण महोत्सव मनाएको छ। सातौँ गुरुनिर्वाण महोत्सव साउन ५,६ र ७ गते मनाइएको आश्रमले जनाएको छ।
कार्यक्रमअन्तर्गत श्रावण ६ गते देवघाटमा रुद्राभिषेक, गीतापाठ, व्यासपूजा, गुरुपूजन, आचार्य आराधना, गुरुतत्त्व विमर्श गरिएको छ। यसैगरी तेस्रो दिन ७ गते विद्येश्वर आराधना, गुरुनाम संकीर्तन, प्रज्ञाभवन समुद्घाटन, गुरुस्मृति सभा, पुस्तक विमोचन र समष्टि भण्डारा आयोजना गरिएको गुरुकुलका प्राचार्य फणीन्द्र पौडेलले जानकारी दिए। गुरुस्मृति सभामा गलेश्वर आश्रका पीठाधीश महामण्डलेश्वर स्वामी आत्मानन्द गिरि,हरिहर संन्यास आश्रमका पीठाधीश तथा नेपाल सन्त समाजका अध्यक्ष ज्ञानानन्द सरस्वती , अभय वेदान्त साधन कुटीरका पीठाधीश कृष्णान्द सरस्वती ,नेपाल संस्कृत विश्वविद्यालयका उपकुलपति यादवप्रकास लामिछानेको तथा अन्य विशिष्ट सन्तमहन्तहरू, प्राध्यापकहरू तथा विभिन्न विद्वान्हरूको समुपस्थितिमा श्री १००८ स्वामी पीठाधीश रमणानन्द गिरि तथा आश्रमका संरक्षक श्री १००८ स्वामी मधुसूदनानन्द गिरिको पावन सान्निध्य रहको पनि प्रधानाचार्य पौडेलले जनाएका छन् ।
वि.सं २००३ सालमा धादिङ्गको केवलपुरमा जन्मिएका डा. स्वामी रामानन्द गिरि तीनधारा संस्कृत पाठशालाबाट प्रारम्भिक अध्ययन सुरु गरेर वाराणसीमा वेदान्त दर्शन अध्ययन गरी त्रिभुवन विश्वविद्यालयबाट जनक दर्शनमा विद्यावारिधि प्राप्त हुन् । वाराणसीमा अध्यापन गराइरहेका गिरि नेपाल फर्किएर तीनधारा पाठशालमामा केही समय अध्यापन गराएपछि सरकारी जागिर छोडेर राष्ट्रसेवा गर्ने उद्देश्यले देवघाटमा वि.सं २०५० सालमा महेश संन्यास आश्रम , महेश संस्कृत गुरुकुलको स्थापना गरे । जसको फलस्वरूप आज नेपालभरी गुरुकुलशिक्षाले गति लिएको देख्न सकिन्छ । महेश संस्कृत गुरुकुलमा वैदिककालीन गुरुकुल अनुरूप पाठशाला, धर्मशाला, गौशाला, यज्ञशाला र पाकशाला सञ्चालनमा रहेका छन् । धर्म, संस्कार, संस्कृति तथा संस्कृत शिक्षाको उन्नयनमा गुरुकुलले उल्लेख्य भूमिका खेलेको देख्न सकिन्छ ।
रामानन्द गिरिले वि.सं २०७४ असार २४ गते गुरुपूर्णिमाका दिन पाञ्चभौतिक शरीर त्याग गरी शिवसायुज्य प्राप्त गरेका थिए । त्यसैले हरेक गुरुपूर्णिमाको अवसरमा नै गिरिको निर्वाण महोत्सव मनाउने गरिएको आश्रमका व्यवस्थापक सन्तोष गिरीले बताए ।
धर्म-संस्कारप्रति आस्था राख्ने र गुरुकुलको उन्नयन चाहने सम्पूर्ण श्रद्धालु महानुभावहरूलाई निर्वाण महोत्सवमा सहभागिताको आह्वान गरिएको थियो ।
त्यसै सन्दर्भमा शङ्कराचार्य मठ देवपत्तन पशुपतिमा पनि यही ५ र ६ गते विभिन्न कार्यक्रम गरेर गुरुनिर्वाण महोत्सव मनाइएको छ । महेश संस्कृत गुरुकुलको अभियान, घरघरमा गुरुकुल अभियानअन्तर्गत दीक्षित मातृशक्तिहरूद्वारा ऐतिहासिक रूपमा १०८ विष्णुसहस्रनाम पाठ-पारायण भएको छ । सो कार्यक्रम असार ५ गते १० बजेबाट सुरु भएको । जसमा महेश संन्यास आश्रमका पीठाधीश रमणानन्द गिरि , प्राध्यापक शिवगोपाल रिसाल, प्राध्यापक भवानी प्रसाद खतिवडा तथा घरघरमा गुरुकुल अभियानका संयोजक आचार्य कपिलदेव सुवेदी आदि महानुभावहरूको उपस्थिति भएको थियो। असार ६ गते गुरुपूजन र सत्सङ्ग भएको पनि महेश संस्कृत गुरुकुल विद्यापीठका प्राचार्य कमल सुवेदीले जनाए ।
त्यसका अतिरिक्त पोखरा-१९ चुरुङ्गा अम्बरेश्वर संन्यास आश्रम तथा सम्पूर्ण शाखाहरूमा पनि गुरुनिर्वाण महोत्सव मनाइएको छ ।
धर्म संस्कार प्रति आस्था राख्ने र गुरुकुलको उन्नयन चाहने सम्पूर्ण श्रद्धालु महानुभावहरूलाई देवघाट, पशुपति तथा आश्रमका शाखाहरूमा आफ्नो अनुकूल निर्वाण महोत्सवमा सहभागी हुन निमन्त्रणा गरिएको थियो ।
Like
Dislike
Love
Sad
Funny
Wow
Pray
.jpg)
.jpg)
.jpg)
Comments 0