.png){kind=logo}
देवघाटमा थामिनसक्नु भीड भैरहदा व्यवस्थापन पक्ष भने शून्य देखिएको छ ।
देवघाटमा थामिनसक्नु भीड भैरहदा व्यवस्थापन पक्ष भने शून्य देखिएको छ ।
देवघाटमा भक्तजनको भीड , व्यवस्थापन शून्य
मध्य नेपालको सुप्रसिद्ध तीर्थ देवघाटमा दर्शनार्थीहरूको थामीनसक्नुको भीड देखिएको छ । हरेक वर्ष माघमा विशेष मेला लाग्ने देवघाटमा १ गते सङ्क्रान्तिका दिन मात्रै भक्तजनको बाक्लो उपस्थिति हुने गर्दथ्यो तर यसपटक सधैँजसो लाखौँको संख्यामा दर्शनार्थीहहरू देवघाट भित्रिएका छन् ।
आज अौसीको दिन ५ लाखभन्दा धेरै दर्शनार्थीहरू देवघाट आइपुगेका छन् । भारतको प्रयागराजमा लागेको पूर्ण कुम्भको असर देवघाटमा पनि देखिएको हो । अहिले देवघाटमा भक्तजन ओइरिनुको मुख्य कारण ईश्वरकृष्ण नामबाट सुप्रसिद्ध कथावाचकको सङ्कल्पमा भैरहेको देवघाट महामहोत्सव हो । जसले मातापीता आश्रम दीव्यधामको १ लाख कर्ताहरूद्वारा शिलान्यास गरिरहेको छ । महोत्सवको कथापण्डाल चितवन तर्फ रहेको छ भने शिलान्यास भूमि तनहुँतर्फ । त्यसले भक्तजनलाई असहज बनाएको देखिन्छ ।
देवघाटमा थामिनसक्नु भीड भैरहदा व्यवस्थापन पक्ष भने शून्य देखिएको छ । देवघाटको मुख्य वेणी सङ्गम, झोलुङ्गे पुल , टाउन चोक , गिरिधारी चोक, घाटचोक आदि स्थानमा उचित व्यवस्था नभएकाले दर्शनार्थीहरू रनभुल्ल परेर बिचल्लीको अवस्थामा देखिएका छन् । स्थानीय निकाय , तथा सुरक्षा निकायसँग मेला व्यवस्थापनको समन्वय नभएको हो वा वास्ता नगरिएको हो स्पष्ट छैन । सुन्दर देवघाट जताततै फोहोरै फोहोरले भरिएको देखिन्छ । आवास तथा सुरक्षाको समस्या मुख्य रुपमा देखिएको छ । न खानपानको राम्रो व्यवस्था न त शौचालयको सामान्य व्यवस्था नै , देवघाट आउने सम्पूर्ण दर्शनार्थीहरू खिन्न हुँदै फर्किनुपरेको अवस्था देख्न सकिन्छ । संसारभर फैलिएका सनातनीहरूले देवघाटबाट पाठ सिक्नुपर्ने अवस्थामा सम्बन्धित निकायको लापरवाहीले खिन्न हुनुपर्ने अवस्था आइपरेको छ ।
Like
Dislike
Love
Sad
Funny
Wow
Pray
.jpg)
.jpg)
.jpg)
Comments 0