राष्ट्रसन्त स्वामी परमानन्द सरस्वतीको २८ औँ गुरुस्मृतिको अवसरमा विविध कार्यक्रम गरिँदै
- ओम प्रकाश खरेल
तिलोत्तमा -१ नयाँमिल,रुपन्देहीस्थित श्री दुर्गा वैदिक परमानन्द संन्यास आश्रममा ब्रह्मलीन राष्ट्रसन्त स्वामी परमानन्द सरस्वतीको २८ औँ वार्षिक षोडशी महोत्सवको अवसरमा विभिन्न कार्यक्रमहरूको आयोजना गरिएको छ।गुरुस्मृति भण्डाराको अवसरमा माघ १७ गतेदेखि २२ गतेसम्म आश्रमका पीठाधीश श्री १००८ स्वामी विवेकानन्द सरस्वतीजी महाराजद्वारा दिवा १ बजेदेखि ३ बजेसम्म श्रीमद्भागवतमा आधारित दार्शनिक प्रवचन हुने भएको छ ।
गुरुस्मृति भण्डाराको पूर्वसन्ध्यामा माघ २२ गते साँझ ७ बजेदेखि श्री दुर्गा वैदिक परमानन्द संन्यास आश्रमद्वारा सञ्चालित श्री दुर्गा वैदिक संस्कृत विद्यापीठ,पूर्व विद्यार्थी मञ्च एवं विद्यार्थी कल्याण परिषद्को आयोजनामा `साहित्य संगीत र कलाको त्रिवेणी´ “परमानन्द-काव्य-वाटिका”को समेत आयोजना गरिएको छ।उक्त कार्यक्रममा देशका विभिन्न क्षेत्रमा रहेका साहित्यिक व्यक्तिहरूको उपस्थितिमा अतिथि एवं गुरुकुलका विद्यार्थीहरूका विशेष साहित्यिक प्रस्तुति रहने छन् भने अर्को दिन माघ २३ गते राष्ट्रसन्त स्वामी परमानन्द सरस्वती महाराजको षोडशी पुण्यतिथिमा बृहत् गुरुभण्डारा हुने भएको छ। त्यस दिन नेपालका विभिन्न सन्त-महात्मा,श्रद्धालु भक्तजनहरूको उपस्थितिमा आश्रमका बटुकहरूद्वारा रुद्राभिषेक तथा महात्माहरूको उद्वोधन सहित प्रसाद वितरण गरी विशाल भण्डारा मनाइने भएको छ।
.png){kind=logo}
.jpg)
.jpg)
.jpg)
Comments 0