.png){kind=logo}
देवघाट–५ तनहूँस्थित श्रीहरिहर संन्यास आश्रमद्वारा सञ्चालित श्रीपरमानन्द-संस्कृत-गुरुकुलमा राष्ट्रसन्त स्वामी परमानन्द सरस्वतीजी महाराजको २८औँ वार्षिक पुण्य तिथिको अवसरमा विविध कार्यक्रम गरी मनाउन लागिएको छ।
देवघाट–५ तनहूँस्थित श्रीहरिहर संन्यास आश्रमद्वारा सञ्चालित श्रीपरमानन्द-संस्कृत-गुरुकुलमा राष्ट्रसन्त स्वामी परमानन्द सरस्वतीजी महाराजको २८औँ वार्षिक पुण्य तिथिको अवसरमा विविध कार्यक्रम गरी मनाउन लागिएको छ।
आश्रमका संस्थापक ब्रह्मलीन राष्ट्रसन्त स्वामी परमानन्द सरस्वतीजी महाराजको २८ औँ वार्षिक पुण्यतिथिका अवसरमा माघ ९ गते श्रीपरमानन्द संन्यास आश्रममा गुरुस्मृती भण्डारा आयोजना गरिएको छ। त्यस दिन नेपालका विभिन्न सन्त-महात्मा,श्रद्धालु भक्तजनहरूको उपस्थितिमा आश्रमका बटुकहरूद्वारा रुद्राभिषेक तथा महात्माहरूको उद्वोधन एवं प्रसाद वितरण गरी विशाल भण्डारा मनाइने भएको छ।
यसै कार्यक्रमको पूर्व सन्ध्यामा माघ ६ गते अनन्त श्री विभूषित स्वामी ज्ञानानन्द सरस्वतीजी महाराजज्यूको संरक्षकत्वमा नेपाल संस्कृत विश्वविद्यालयका उपकुलपति प्राध्यापक डा.धनेश्वर नेपालको प्रमुख आतिथ्यमा प्रो.हरिशरण उपाध्याय एवं प्रो.जगन्नाथ शर्मा कण्डेलज्यूको विशिष्ट आतिथ्यमा "शास्त्रार्थ सभा" हुने भएको छ।
माघ ७ गते प्रात:८ बजेदेखि प्रा.डा मुकुन्द लामिछाने र मध्याह्नमा प्रा.डा कृष्णचन्द्र शर्मा ज्यूको प्रमुख आतिथ्यमा पौरस्त्य एवं पाश्चात्य साहित्य विषयक
विचार सङ्गोष्ठी´कार्यक्रम हुने भएको छ।
त्यसैगरी माघ ८ गते साँझ ७ बजेदेखि परमानन्द-संस्कृत-छात्र-कल्याण- परिषद्को आयोजनामा राष्ट्रिय-स्तरको परमानन्द काव्य-सरिता´आयोजना भएको छ।परमानन्द-काव्य-सरिताको १६ औं श्रृङखला अन्तर्गत यस कार्यक्रममा प्रमुख अतिथिका रुपमा मदन पुरस्कार विजेता डा.कवि नवराज लम्सालज्यूको विशेष उपस्थिति रहेको छ।उक्त कार्यक्रममा गुरुकुलका विद्यार्थी एवं अतिथिहरूका साहित्यिक प्रस्तुतिका साथै गोविन्दगोपाल खतिवडाद्वारा लिखित`बाबुरामको घण्टी´ नाटक पनि मञ्चन हुने भएको छ।
Like
Dislike
Love
Angry
Sad
Funny
Wow
.jpg)
.jpg)
Comments 0